حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

الموضوع في 'منتدى البرامج المشروحة' بواسطة master, بتاريخ ‏12 مايو 2009.

  1. master

    master مدير المنتدى إداري

    إنضم إلينا في:
    ‏26 أكتوبر 2007
    المشاركات:
    2,726
    الإعجابات المتلقاة:
    5
    نقاط الجائزة:
    38
    الجنس:
    ذكر
    الوظيفة:
    مبرمج جافا
    مكان الإقامة:
    الاسكندرية
    [​IMG]


    الشرح الكامل لسيرفر الميكروتك للشبكات


    (mikrotik )

    البرنامج هو MikroTik Routers and Wireless

    [​IMG]

    فى البداية ما هو سيرفر الميكروتك؟

    سيرفر الميكروتك او برنامج الميكروتك هو برنامج فريد من نوعه ..

    يقوم بتحويل الحاسب الى سيرفر وروتر ولكن خصائص الراوتر هذا متطوره جدا ...

    تقوم بإعداداته وتنسااااه...

    [​IMG]

    ما هى مميزاته وفوائده؟


    مميــــــــــزاته:
    1. تثبيت ايبي للمستخدم
    2. تحديد باندويث اجمالي داونلوود وبعدها يفصل عليه تلقائيا .
    3. تحديد باندويث اجمالي ابلوود وبعدها يفصل عليه تلقائيا .
    4. تحديد عدد معين من الدقائق وبعدها يفصل عليه تلقائيا .
    5. توزيع السرعات بالتساوي .
    6. توزيع السرعات حسب ما تريد .
    7. قفل وفتح اي بورتات لأي مستخدم او للكل .
    8. يوزر وباسوورد مفتوحه اي غير مرتبطة بماك ادرس معين .
    9. يوزر وباسوورد بماك ادرس معين .
    10. دعاية .. تقوم ببرمجته ليفتح صفحات عند المشتركين وقت ما تريد تلقائيا .
    11. يقوم الجهاز بالاشتغال تلقائيا لو انقطع عنه الكهرباء مثلا .
    12. رسوم بيانية لتوضيح الباندويث .
    13. معرفة المواقع التي يدخلها المستخدم الان .
    14. حجب اي موقع تريد .
    15. هوت سبوت بيوزر وباسوورد .
    16. تصميم صفحة الدخول حسب ما تريد .
    17. تحديد اوقات معينه للانترنت .
    18. امكانية حماية المشتركين من الاختراق .
    19. التحكم الكامل بالراوتر من اي جهاز به انترنت وبسهولة وطلاقة وسرعة.
    20. تقرير بمحاولات الدخول الخاطئة المحاولات الصحيحة وكل شيء.
    21. يوجد كاش بالراوتر .
    22. شاشة للمستخدم تبين كمية التحميل والأبلوود
    23. لايستهلك موارد كثيره من النظاام .
    24. امكانية تشغيل اشتراكين في نفس الوقت وتوزيع الحمل بينهما ( لم أجربها بعد )..
    25. .امكانية عمل راوتر الانترنت عن طريق اتصال دايل اب (لم اجربه بعد).
    26. وهناك العديد العديد من المميزات الخيالية .
    [​IMG]

    ماهي متطلبات الجهاز لتسطيب السيرفر عليه؟

    جهاز كمبيوتر بمواصفات جيدة به معالج بانتيوم واحد فما فوق ورامات 32 فما فوق وهارد 32 ميجا فما فوق وجود كرتين شبكة ولا تحتاج الى شاشة او فأرة او كيبورد أو اي شيء اخر.
    ((( اي كمبيوتر سيفي بالغرض )))

    ولكنى انصح ان يكون كلاتى


    جهاز ذات مواصفات جيدة وكلما زادت الذاكرة كان أفضل ويفضل استخدام رام 1 جيجا او 512 ميجا وستحتاج ايضا الى كرتتين شبكة (lan) من نوع 10/100 lan

    ويفضل استخدام كرتتين تدعم الفول دبليكس او الكرتتان ذات القدرة العالية 10-100-1000

    وتحتاج فى حالة البث من الميكروتك بدون اكسس بوينت الى لانه لاسلكى تكون من نوع ثرى كوم أو سيناو او حاضنة او PCMCIحاضنة او ميكرونت..


    [​IMG]

    [​IMG]

    الان المفجأة البرنامج كامل حصريا لمنتديات برامج لايف


    mikrotik 2.9.27



    [​IMG]

    14 ميجا بايت فقط




    [​IMG]


    Download

    Filemac.com




    [​IMG]


    اعلم عزيزى الزائر ان النسخة الاصلية لاتحتاج الى سيريال وهى كاملة اما النسخ التجربة من الشركة فيجب شراء النسخة الكاملة من موقع الشركة وهو


    http://www.mikrotik.com/index.html



    البرنامج متوافق مع جميع انظمة التشغيل

    [​IMG]

    *********

    البرنامج عبارة عن ملف ايزو صغير يجب حرقه على اسطوانة لكى تسطيع تنصيبه..


    [​IMG]

    الشرح

    [​IMG]

    اولا : طريقة حرق البرنامج على اسطوانة


    1- حمل البرنامج من الرابط اعلى..
    2-بعد اما البرنامج ينزل فك الضغط بتاعو بالـ Winrar وبعد كده هبدأ ادخل اسطوانه فاضيه في الرايتر او الـ DVD WR..

    3-ا
    مشي كالتالي بعد اما فتحت الـ Nero هدوس على neroexpress زي ما في الصورة


    [​IMG]


    4-هيظهر الشكل التالي اختار منه Copy Entire Disc زي ما موضح في الصورة:

    [​IMG]



    5-بعد اما دوس هيظهر الشكل التالي وهقف على كده شويه صغيرين


    [​IMG]

    6-لحد كده تمام ؟؟؟؟ ان شاء الله تمام
    دلوأتي جه دور برنامج Demon طيعا الكل عارفو ... بس للي مش عارفو ... البرنامج ده عباره عن برنامج Virtual Disc هنسخدمو معانا عشان ندخل فيه الاسطوانه الوهميه بتاعت الـ Mikrotik اللي احنا لسه منزلنها من على النت وبعد نحطها على CD فاضي من عندنا ... ازاي هتم الحكايه دي هقولك ...

    اولا حمل البرنامج (
    Demon) من الرابط ده

    http://filemac.com/yul10c70agw6/daemon4303-lite.exe



    -----


    7-
    بعد اما ينزل تسطيب عادي خاالص ولو طلب ريستارت عادي خالص برضو اهم حاجة اللي جاي ..

    8-اتبع الصور لعمل النسخة الوهمية للاسطوانة

    [​IMG]


    [​IMG]

    9-لو دوست على Mount image هيظهر صندوق حواري عشان

    يقولي فين الاسطوانه الوهمية اللي انت عايز تدخلها ؟؟ زي كده

    [​IMG]


    10-طبعا بعد اما فكيت الضغط هحدد مكان الفك فيين زي ما انا عامل كده واقولو Open على الفايل الـ ISO اللي هوا تاني واحد في الصورة
    وبكده نكون انتهينا من حته الـ Daemon

    11 -
    نرجع بأه للـ Nero على الحته اللي احنا واقفين عليها وهنقول بس Copy زي ما في الصورة


    [​IMG]

    12-ونستنى بأه لحد اما يخلص تحميل وبكده وصلنا لخطوة كويسه ان احنا حطينا الملف الـ ISO على الاسطوانه وعملنا اسطوانه الـ Mikrotik اللي هنسطبها على الجهاز اللي عندنا..

    يعنى نحرق نسخة من البرنامج على اسطوانة
    =========================================


    طريقة تسطيب البرنامج من الاسطوانة


    1- حط الاسطوانه في الجهاز وخليه يبوت منها كأنك هتسطب نسخه ويندوز ... وفي الحاله دي هيظهر التالي

    [​IMG]


    زي ما مكتوب في الصورة بتاعت الموقع ... عشان تختار كل الباكدجات او الامكانيات اللي تقدر تحطها في الـ Mikrotik فهتدوس حرف الـ a عشان تختارها كلها وتنزل كلها على السيرفر وبعد كده تدوس حرف الـ i عشان يبدأ تسطيب..

    2- هيسألك هل عايز تحتفظ بالاعدادات القديمة y ولا N وطبعا عشان ما فيش اعدادات قديمة ودي اول مره هتقولو N زي ما موجود في الصورة ..



    [​IMG]

    واي حاجة يسألك عليها بعد كده دوس Enter من غير ما تقرا
    وسيبو بأه يسطب

    وبعد اما يخلص خااااااااااااااااااااااالص ... بكده نكون تمكنا بحمد الله تسطيب الـMikrotik ...

    [​IMG]



    شرح اعداد البرنامج

    المرحله الجايه هيا مرحلة تظبيط الاعادادت .. وفي المرحلة دي يا جماعه انا عايز اوضحلكو معناها
    بالنسبه للنظام اللي عندنا الـ Mikrotik ده شغال ببيئه الـ Linux يعني مش ويندوز خالص .. يعني انسو اي حاجة خاصه بالويندوز خااالص وبالنسبه للناس اللي اشتغلت ISA Server ينسو خالص اللي حصل فيه بس مش اوي عشان هحتاج اوضحلكو شوية ارتباطات بينو وبين الـ Mikrotik ... المهم ... مش ده موضوعنا .. موضوعنا ان احنا عشان نعمل Configuration للروتر ده .. واقصد بالروتر هنا هوا سيرفر الميكروتيك لانو هيعمل نفس وظيفه الروتر تأريبا ... عشان نعملو Configuration من على بيئه الـ Linux هتبقى صعبه شوية لان طبعا احنا كلنا متعودين على بيئه الـ Windows واغلبيتنا مش بيعرف يتعامل مع الـ Linux فعشان كده هما نزلو مع السيرفر ده
    برنامج صغير اسمو Winbox
    واللينك بتاعو اهو

    [​IMG]

    البرنامج ده يا جماعه وظيفتو ان هيخلينا نعمل Configuration للميكروتيك من على بيئه الويندوز عادي ... استنو كده!!!... عارفين زي ايه ؟؟ زي بالظبط الروترات بتاعتنا في البيت ... هوا احنا مش لما بنيجي نتصل بالشركة عشان تعملنا الConfiguration بندخل على صفحة الروتر من على الويندوز عن طريق صفحة الاكسبلولر ؟؟؟؟ وساعتها بيطلعنا الـ GUI او من غير فزلكة Graphical User Interface او من غير فزلكة اكتر .. شاشه بتمكني اني اتعامل مع خصائص الروتر والاعدادات بتاعتها بشكل اسهل للمستخدم .. عشان احنا مش هنقدر ندخل جوا الروتر ذات نفسو ونعملو Configuration لاننها مش فاهمين البرمجة اللي متبرمج بيها صح ؟؟
    هيا نفس الطريقه بالظبط ... الـ Winbox ده عباره عن Interface او اداه بتساعدك انك تظبط الخصائص بتاعت السيرفر بس من على جهاز متسطب عليه ويندوز ... يعني معنى ذلك .. انك هتوصل كارت من الكروت بالروتر والكارت التاني بسويتش مثلا ... ومن اي حته بأه في الشبكة او من على اي جهاز في الشبكة ونزلت عليه الـ winbox تقدر تفتح الـ Mikrotek وتظبط الخصائص بتاعتو ...

    تابع معى الصور للدخول للميكروتك

    [​IMG]


    في الصورة دي ... ممكن يوضح كلامي شوية ... لان انا اهو منزلو على الديسك توب من على جهاز شغال بويندوز على الشبكة ... غير الجهاز اللي احنا سطبنا عليه الـميكروتك...

    3-
    هفتح البرنامج زي كده..

    [​IMG]

    4-وبعدين ادوس على الزرار اللي عليه النقط اللي هوا فيه المسطيل بتاع Connect to اللي هوا موجود في الصورة دي

    [​IMG]


    5-
    وبعد اختار اللي هيظهر في الاختيارات وادوس عليه وادوس Connect زي الصورة دي

    [​IMG]


    6-
    وبعد كده هيحمل شوية صغيرين

    [​IMG]


    وبكده نكون دخلنا على الميكروتيك من على جهاز عليه ويندوز ودي الصورة بتاعتو بعد ما دخلنا

    [​IMG]



    [​IMG]

    شرح تغيير الاعدادات

    بعد اما خلاص تم بحمد الله ودخلنا على الـ Mikrotik دلوأتي جه وقت التظبيط ومعايا كده خطوة خطوة ان شاء الله
    كونت نوهت انا قبل كده بالنسبه للناس اللي كانو عاملين الايزا هحتاج افكرهم بحاجة .. فاكرين اول خطوة عملناها في الايزا كانت ايه ؟؟؟


    ... اللي هيا كانت تعديل اسامي الكروت
    هنا هنعمل نفس الخطوة برضو وهتكون اول خطوة لينا زي ما هوا موجود في الصورة

    [​IMG]


    اللي هيا كانت في الايزا Local area connection1 و Local area connection 2
    دبل كليل على ethernet1 واخليه wan حسب الصورة كانت في الايزا External


    [​IMG]

    عد كده دبل كليك على ethernet2 واخليه Lan زي ما مكتوب في الصورة اللي هيا كانت في الايزا Internal

    [​IMG]

    وزي ما مشروح على الصورة المنقوله ... مش هعرف اضيف اي تعليق عليهم

    بكده نكون خلصنا من حته التسمية ... هنيجي للجزء الخاص بأيبيهات الكروت ونركز شوية عشان الحته دي ناس كتير بتتلغبط فيها ...
    طبعا احنا خلاص وصلنا الروتر بكارت من الكروت ووصلنا سويتش بالكارت التاني الخاص بالشبكة
    على فرض ان احنا عندنا الروتر الايبي بتاعو مثلا زي ما انا عامل عندي 192.168.0.1 يبقى المفروض هنخلي الكارت اللي واصل بالروتر الايبي بتاعو 192.168.0.2 وده كلام منطقي ... صح ؟؟ اه صح

    وعشان نعمل الحوار ده .. بعد ما نفتح الـ Mikrotik من الـ winbox زي ما قولنا قبل كده ... هنيجي على قايمة IP ونختار Addresses زي ما هوا موضح في الصورة

    [​IMG]



    دوس على Addresses هتظهر الويندو ده

    [​IMG]
    [​IMG]

    هدوس بأه على علامه الزائد الحمرا عشان تظهر الويندو دي

    [​IMG]

    هنا بأه هنحط الايبيهات بتاعت الكروت اللي في الميكوتيك بما فيهم الكارت اللي متوصل بالروتر اللي احنا اتفقنا فوق اللي احنا هنخلي الاييبي بتاعو 192.168.0.2
    عند كلمة address هشيل الاصفار اللي موجودة واحط مكانها 192.168.0.2/24 زي ما هوا مكتوب كده ناس هيقولولي ايه الـ 24 دي هقولو الماسك بتاع النتورك اللي هوا 255.255.255.0 ده معناها ... استنو لسه مش خلصنا ... هنختار من تحت من عند كلمة interface الكارت اللي متوصل عليه الايبي ده اللي هوا الـ wan لان احنا اتفقنا قبل كده انو متوصل بالروتر ... ولا انتو نسيتو ؟؟
    كده خلصنا كارت الـ wan او الـ Externa
    زى الصورة دى

    [​IMG]

    [​IMG]




    وبكده نكون خلصنا الكارت اللي واصل بالروتر ... احنا ماشيين خطوة خطوة اهو
    نيجي بأه للكارت اللي واصل بالسويتش اللي هيدي الناس النت واللي هوا هيكون بالنبسه للناس الجيت واي
    وعلى فرض زي ما انا عامل عندي برضو .. ان الجيت واي بتاع الناس هوا 192.168.1.1 هنخلي الايبي بتاع الكارت اللي متوصل بالسويتش 192.168.1.1
    نفس الكلام ... هندوس على زرار الزائد الاحمر ونفس الخطوات اللي فاتت ... بس المره دي عند الـ address هخليها 192.168.1.1 وعند الـ Interface تحت هخليها lan وفي الآخر OK زي ما في الصورة

    [​IMG]


    عشان يبقى الشكل النهائي عندنا هوا

    [​IMG]


    هيجي واحد واخد بالو .. يسألني ... طيب وهوا الميكروتيك .. ايه اللي عرفو .. ان في روتر متوصل والايبي بتاعو 192.168.0.1 زي ما اتفقنا .. ؟؟؟
    ساعتها هقولك ... هوا اكيد مش هيعرف كده من نفسو ... عشان كده هنعرفو احنا
    افتح قايمة IP وبعدين Routes زي ما في الصورة


    [​IMG]


    اول ما تدوس على routes هيظهرلك الشكل ده ...

    [​IMG]





    ايه ده .. ؟؟؟ ايوة دول الحاجات اللي احنا لسه معرفنها من شوية ... لكن هنضيف هنا الحته بتاعت الروتر اللي احنا لسه قايلنها .. ان احنا لازم نعرف الميكروتيك انو متوصل بروتر الايبي بتاعو 192.168.0.1
    وبدام قولنا هنضيف يبقى هندوس على علامة الزائد زي ما في الصورة... وهنغير الـ gateway ونخليه 192.168.0.1 وندوس Ok زي ما في الصورة

    [​IMG]


    عشان يبقى الشكل في النهايه

    [​IMG]


    ولو لاحظتو انو من نفسو في الخانة بتاعت الـ Interface كتب wan عشان عرف ان الايبي ده في الرينج بتاع الكارت اللي متوصل بالروتر وده دليل ان احنا ماشيين صح بأذن الله.

    كده انتهينا من تظبيط الكروت ... بس لسه برضو مافيش نت خرج للناس لأن لسه فاضلنا كذا حاجة
    اولها الـ DNS وعشان نعرف الميكروتيك بالـ DNS هندخل على قايمة IP ومنها DNS زي ما في الصورة

    [​IMG]




    هيظهر ويندو فاضي مش فيه حاجة ... نختار منو كلمة Settings وبعد كده هندخل الـ DNS بتاعنا الـ primary و الـ secondry ...طبعا الارقام اللي انا هاططها في الصورة ددي بتاعت TEdata

    [​IMG]


    موضوع اخر يحتوي علي الشرح كامل وايضا فيديو


    طريقة تركيب سيرفر المايروتيك على نفس الجهاز وتوزيع السرعه على المشتركين


    آخر تعديل: ‏31 أغسطس 2011
  2. lawkz

    lawkz المشرف العام

    إنضم إلينا في:
    ‏15 ديسمبر 2008
    المشاركات:
    1,369
    الإعجابات المتلقاة:
    2
    نقاط الجائزة:
    38
    الوظيفة:
    شبكات
    مكان الإقامة:
    Egypt
    الصفحة الرئيسية:
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    [​IMG]
    آخر تعديل: ‏26 أكتوبر 2009
  3. مثنى الصافي

    مثنى الصافي عضو جديد

    إنضم إلينا في:
    ‏20 أكتوبر 2008
    المشاركات:
    29
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    عاشت ايدك
    كيفاستطيع ان اعمل صفحة دخول متعددة المهام يعني فيها اسم وكلمة مرور وكمان فيها بعض البرامج المهمة حتى يستطيع المشترك تحميل البرامج بسهوله وبسرعة
  4. ابو مريم محمد

    ابو مريم محمد عضو جديد

    إنضم إلينا في:
    ‏6 يوليو 2009
    المشاركات:
    3
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    اخى اشكرك على بساطة شرحك وعمقه فى توضيح نقاط الخطأ التى يمكن أن نقع فيها
    وارجوا منك اكمال الموضوع لما فيه خير للجميع
    فكل من قرأ هذا الشرح اعجب به وتمنى أن كان كاملاً والكمال لله وحده
  5. اسامه المغازى

    اسامه المغازى عضو جديد

    إنضم إلينا في:
    ‏15 يوليو 2009
    المشاركات:
    1
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    تسلم ايدك يابو الرجاله على هزا الشرح بس انا بتمنى انك تشرح لينا ازى نضيف روتر تانى على نفس الكاش
  6. AL3BQRI

    AL3BQRI عضو شرف

    إنضم إلينا في:
    ‏7 يوليو 2009
    المشاركات:
    559
    الإعجابات المتلقاة:
    3
    نقاط الجائزة:
    0
    مكان الإقامة:
    السعودية_الطائف_الحوية_القاعدة الجوية
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    تسلم ايديك يامييستر... :)
  7. ابو مريم محمد

    ابو مريم محمد عضو جديد

    إنضم إلينا في:
    ‏6 يوليو 2009
    المشاركات:
    3
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    اخى مشكور على هذا الشرح الرائع .. ولكنه غير كامل
    نرجوا استكمال الشرح بنفس الطريقة العبقرية لحاجتنا الشديدة اليه
    وجزاك الله خيرا
  8. a4k915

    a4k915 عضو جديد

    إنضم إلينا في:
    ‏27 يناير 2008
    المشاركات:
    11
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    تسلم ايدك يامان والله ينور
    فعلا جهد كبير بس لازم تشد حيلك و تكمل الموضوع وفى انتظارك
  9. mustafa102000

    mustafa102000 عضو جديد

    إنضم إلينا في:
    ‏22 يوليو 2009
    المشاركات:
    1
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    الف شكررررررررررررررر
  10. hishimes

    hishimes عضو جديد

    إنضم إلينا في:
    ‏8 أغسطس 2009
    المشاركات:
    2
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    والله العظيم انا متشكر جدا يأخى ربنا يجازيك عن خير انتا بجد حلتلى مشكله كبيره وانا شاكر جدا لاسره النتدى بجد منتدى قيم ورائع شكرا
  11. hishimes

    hishimes عضو جديد

    إنضم إلينا في:
    ‏8 أغسطس 2009
    المشاركات:
    2
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    ممتاز جدا والله شرح سهل وميسر ربنا يجعله فى ميزان حسانتك ولكن لى رجاء كماله شرح الونبوكس
  12. winbox

    winbox عضو جديد

    إنضم إلينا في:
    ‏30 أغسطس 2009
    المشاركات:
    1
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    بجد تسلم ايدك يااستاز ولله استفدت كتير ربنا يخليك شكرا جدا ورمضان كريم عليك وعلينا
  13. eslamfouad

    eslamfouad عضو جديد

    إنضم إلينا في:
    ‏6 أكتوبر 2009
    المشاركات:
    1
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    اخى مشكور على هذا الشرح الرائع .. ولكنه غير كامل
  14. samiersaad

    samiersaad عضو جديد

    إنضم إلينا في:
    ‏20 أكتوبر 2009
    المشاركات:
    4
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    والله البرنامج حلو كثير اوي وانا انشديت للتطبيق
  15. samiersaad

    samiersaad عضو جديد

    إنضم إلينا في:
    ‏20 أكتوبر 2009
    المشاركات:
    4
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    والله حلو كثير وشكرا
  16. samiersaad

    samiersaad عضو جديد

    إنضم إلينا في:
    ‏20 أكتوبر 2009
    المشاركات:
    4
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    مشككككككككككككككككككككككككككككككككككككككككككككككككككككككككككككككككككور جدا
  17. samiersaad

    samiersaad عضو جديد

    إنضم إلينا في:
    ‏20 أكتوبر 2009
    المشاركات:
    4
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    والله شيء جميل جدا جدا
  18. saidsaad

    saidsaad عضو جديد

    إنضم إلينا في:
    ‏3 نوفمبر 2009
    المشاركات:
    1
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    Thankyouuuuuuuuuuuuuuuuuuuuuuuuuuuuuuuuuuuu
  19. ابا عمر

    ابا عمر عضو جديد

    إنضم إلينا في:
    ‏12 نوفمبر 2009
    المشاركات:
    4
    الإعجابات المتلقاة:
    0
    نقاط الجائزة:
    0
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله

    أخى المدير العام
    بارك الله فيك وجزيت خيراً على هذا الشرح المبسط والشامل والجميل
    ولكن لى سؤال وطلب مثل جميع أعضاء المنتدى
    أما السؤال : لماذا توقفت عن استكمال باقى الشرح هل ترددت فى الاستكمال أم أنك لم تجد من يقدر شرحك ويحترم علمك الذى أمدك الله به ؟
    وأما الطلب: ممكن تكملنا الشرح بطريقتك الجميله هذه لأننا بحثنا ولم نجد مثل هذا الشرح الممتع والمفهوم
    أخى أكمل جزاك الله خيرا ولا تتردد ولا تأبه فإن لم يقدرك الناس فقدرك عند الله أعظمُ
    وجزاك الله خيراً ونفع بك وجعله الله فى ميزان حسناتك
  20. master

    master مدير المنتدى إداري

    إنضم إلينا في:
    ‏26 أكتوبر 2007
    المشاركات:
    2,726
    الإعجابات المتلقاة:
    5
    نقاط الجائزة:
    38
    الجنس:
    ذكر
    الوظيفة:
    مبرمج جافا
    مكان الإقامة:
    الاسكندرية
    رد: حصريا شرح كامل لسيرفر الميكروتك(mikrotik ) تسطيبه وكيفية استخدامه وكل مشاكله


    ----------------------------

    اولا جزاك الله حسن الاخرة اخى ابا عمرو على اهتمامك وتشجيعك

    ثانيا بالنسبة للسؤال

    فقد توقفت عن اكمال الموضوع لان الموضوع وصل للنقطه اللى الناس تقدر تكمل بعدها وبعدين انا حبيت اشوف الردود قبل ما اكمل الموضوع علشان حبنى اشياء فى الباقى على هذه الردود


    ثالثا بالنسبه لاكمال الموضوع فى خلال ايام قليلة بإذن الله

    اى استفسار اخر ياريت لا تتردد

مشاركة هذه الصفحة