حصريا :طريقة تسريع اجهزة الاندرويد وتوفير البطارية ومساحة الرام المستهلكة.

الموضوع في 'برامج و سوفت وير الهواتف الجوالة' بواسطة master, بتاريخ ‏5 مايو 2015.

  1. master

    master مدير المنتدى إداري

    إنضم إلينا في:
    ‏26 أكتوبر 2007
    المشاركات:
    2,803
    الإعجابات المتلقاة:
    6
    نقاط الجائزة:
    38
    الجنس:
    ذكر
    الوظيفة:
    مبرمج جافا
    مكان الإقامة:
    الاسكندرية
    حصريا :طريقة تسريع اجهزة الاندرويد وتوفير البطارية ومساحة الرام المستهلكة.

    [​IMG]

    حصريا: طريقة تسريع اجهزة الاندرويد وتوفير البطارية ومساحة الرام المستهلكة.



    عشان نبقي متفقين بس من البدايه ان كل البرامج المدعوه انها بتوفر بطاريه الجهاز .. هيا بعينها البرامج دا الي بتفشخ بطاريه الجهاز ..

    ركز معايا بقي وتعال نشوف الخطوات ..

    *رقم 1 :

    بص يا سيدي اول حاجه تعملها وبدون نقاش وبدون نقاش وبدون نقاش ..
    هتشيل كل البرامج الي علي الجهاز لتسريع الجهاز وتوفير البطاريه وتنظيف الجهاز وكل الهلس دا ..
    وفي ناس سألتني قبل كدا عن ال clean master احب اقولك انه مالوش اي 30 عازه برضو ولا هو ولا كل البرامج الي في نفس فكرته
    كل الي بيعمله انه بيمسحلك الملفات الي حجمها كبير وبتكون حاجه مهمه بنسبالك زي افلام او برامج
    لكن هو برنامج فاشل مالوش اي 30 عازه بياخد تقريبا 60 ميجا من الرامات طول ماهو شغال
    ف شيله هو وكل البرامج دي .

    لو عامل روت البرنامجين الوحيدين الي فعالين في الحوار دا هما

    boosters plus battery saver Pro دا لتوفير البطاريه وتسريع الجهاز وتوفير الرام وتقويه اشاره ال WiFi
    طريقه الاستخدام : هتعلم صح علي كل حاجه فيه .. وفي الضبط اخر خانه هتعلم صح عليهم كلهم ماعدا قبل الاخيره ..
    رابط التحميل : http://bit.ly/1zyP4ZL

    Seeder دا لالغاء اللاج (التهنيج والبطء ) وتسريع الجهاز جدا
    طريقه الاستخدام : تعليم علامه صح علي الكل والضغط علي on او تشغيل ..
    واختيار : Aggrissive
    رابط التحميل : http://bit.ly/1IEmcEk

    والبرنامجين مدفوعين علي فكره وباسعار غاليه جدا انا جبتهملكم وحطتلكم الروابط

    غير كدا كلوو فاكس ولا ليه اي تلاتين لازمه ..

    مفيش غير ال Greenifyودا البوب بتاع البرامج ودا من غير روت وبروت وهنتكلم عليه تحت شويه لوحده

    *رقم 2 :

    ودي انا عن نفسي بستعجب منها .. ليه تقعد تنزل برامج وتثبتها وخلاص وكل ما امسك موبايل واحد بلاقي بال 50 برنامج ملهاش اي 30 لازمه وهو مش بيستخدمهم .. البرامج دي علي الجهاز بتحرق بنزين وخلاص ..
    ازاي بقي ؟!
    اقولك انا ازاي .. لما يبقي عندك مثلا 20 برنامج مش بتستخدمهم وسايبهم علي التليفون .. طبعا البرامج دي اساسي بتاكل من البطاريه واساسي بتاكل من الرام واساسي مخليه الموبايل سلحفه ..
    لما يبقي موبايل فئه متوسطه زي الي مع الشعب كله وانت عامل فيه كدا متستناش منه انه يديك اداء وتقول الموبايل بيهنج والموبايل وحش ..

    يبقي المفروض انت تعمل ايه ؟!
    المفروض او الاساسي طبعا انك اي برنامج عندك مش بتستخدمه فعلا ومحتاجه يبقي تشيله ..

    *رقم 3 :

    طبعا كل شركه من شركات الموبايل منزله الجهاز ببرامج سيستم ليها كتير جدا ملهاش اي 30 عازه ..
    قاعده زي الازي ليك علي الجهاز وخلاص .. منها ساحبه ومظيطه الدنيا ومبهدله البطاريه والرامات ..

    في عندنا عدد 2 حل grin emoticon
    1 حل للروت و 1 حل لغير الروت :

    هنبدا بحل الروت :
    هتنزل برنامج system app remover من بلاي ستور : http://bit.ly/1Dqy0G9
    وتفتحه البرنامج وياخد منك صلاحيات الروت وتعلم علي كل البرامج الي مش بتستخدمها الموجوده ..
    نصيحه هامه واخويه .. امسح البرامج الي ظاهره عندك من برا بس الي مش بتستخدمها . لكن متمسحش اي حاجه وخلاص ..

    الحل التاني لغير الروت :
    بص يا سيدي هتفتح الضبط وبعد كدا تجيب ضبط التطبيقات ..
    وتيجي علي كل البرامج الي مش بتستخدمها الي هيا برامج النظام ..
    زي ال group play وال chan on وال dropbox و samsung apps وgoogle play games و google play music و google stand و hangout و google+ وغيرها كتير بتختلف علي حسب كل جهاز

    كل دا ملهوش اي تلاتين لازمه غير لو كنت بتحتاج حاجه منه بس تسيبها
    وتعملها DISABLE

    كدا احنا بالخطوه دي وصلنا لمرحله حلوه جدا في الجهاز كل مده في تحسن ..

    *رقم 4 :

    تحمل برنامج Greenify
    الحل النهائي والامثل والفعال لتسريع الجهاز وتخفيف استهلاك الرام وتوفير البطاريه .

    الرائع مابين تطبيقات الاندرويد Greenify دا البرنامج الي ممكن اقولك انه فعلا بيوفر في استهلاك الرام جدا وبيفرق في اداء الجهاز .
    البرنامج بيشتغل في الحالتين الي عندهم روت والي معندهمش روت
    انا بقي عامل معاكم واجب جامد اوي جايبلكم ال Donation Package الي هيا بفلوس في الستور ومتحاولش تجيبها من برا لانها بتكون بايظه دي النسخه الوحيده الي شغاله ولاصحاب الروت عندي ليهم مفاجأه.

    الغير روت المسخدم العادي :
    اول حاجه هتحمل النسخه الاساسيه للبرنامج من ال Play store :
    http://bit.ly/1DLmpB9
    ودي ال Donation Package المدفوعه بتسطبها لوحدها بعد متسطب البرنامج كي تجعل البرنامج مدفوع :
    http://bit.ly/1EMDDU7
    للروت :
    هتحمل البرنامج بس بنسخه patched باخر اصدار 2.6.1 حاجه جباره كدا عشانكم :
    http://bit.ly/1AuZTwj
    وهتفعل الgreenify من xposed installer في الموديل عشان يديك كفاءه عاليه في الاداء
    ودا رابط xposed installer :
    http://bit.ly/1AVu5jn

    بعد مانثبت البرنامج للروت والغير روت :
    هتفتح البرنامج وتدوس علي + وتحط كل البرامج الي علي الجهاز وتدوس علي Zzz دا بيقفل كل البرامج وبعدين تروح دايس علي الخيارات من فوق في البرنامج وتختار Experimental Features.. وتعلم علامه صح علي Greenifing System apps وترجع تدوس علي + تاني وهتلاقي كل برامج السيتسم متحطش اي حاجه وخلاص بقي لا تحط الي هيا البرامج الي ظاهره عندك في ال apps وانت مش بتستخدمها زي ال youtbue وال setting و camera و my files والحاجات دي لكن باقي الحاجات متلعبش فيها نهائي وتدوس علي صح وتدوس علي insist وشكرا علي كدا انت قفلت كل البرامج الي شغاله في الخلفيه وبتاكل من الجهاز علي الفاضي وبتوفر جدا في الرام وتسريع واداء الجهاز ..

    نصيحه للناس الي عامله روت ..
    جرب تشيل اضافات XPOSED الي مش بتشتغل بيها .. هتحس بفرق في البطاريه لانه علي قد ماهو حلو وبيظبط الجهاز وبتاع علي قد ماهو بياكل البطاريه اكل خلي الاضافات المهمه الي انت بتحتاجها اوي وبتشتغل بيها بس .

    *رقم 5:

    ودي اول مره انزلها .
    طريقه تسريع الجهاز بقي في الاستجابه وكدا ودي من غير برامج
    بص وركز معايا بقي
    هتفتح ال setting وتجيب About device وتنزل لتحت خالص لغايه متلاقي Build number هتقعد تدوس عليها كذا مره ورا بعض لغايه ميقولك developer options is on كدا هو فعل وضع المطور
    هتقفل ال setting وتفتحها تاني هتلاقي في حاجه جديده ظهرت معاك وهيا ال developer options تروح فاتحها
    وجاي علي Window animation scale وتدوس عليها وتعملها 0.5x
    تحتها هتلاقي transition animation scale تدوس عليها وتخليها 0.5x
    تحتها هتلاقي Animator duration scale تدوس عليها وتخليها 0.5x
    وتنزل تحت خالص لغايه الاخر هتلاقي APPS
    وتعمل علامه صح علي Do Not keep activities
    وتحتها تدوس علي limit background processes تختار الحد المعين للبرامج الي انت عاوزها تكون شغاله في الخلفيه
    الافضل تخليها 2 At most 2processes عشان مثلا لو مشغل فيس واغاني يبقي الاتنين شغالين معاك .

    وتعمل احلي restart للجهاز
    وتسمتع باحلي اداء للجهاز كسرعه وكبطاريه
    وتدعيلي دعوه تمام .

    الشرح منقول من
    Mesheil Nageh sh

مشاركة هذه الصفحة